CIRCUMTONSI

CIRCUMTONSI

olim fuêre non pueri solum ingenui apud Graecos, sed et omnes elegantiae studiosi, inprimis qui in gymnasiis versabantur, tam senes, qnam iuvenes. Unde Euripides in Phoenissis longam coman non esse ex palaestrae more dicit.

Παλοκαμὸς γάρ σου ταναὸς, οὐ πάλης ὕπο

Τένυν παῤ ἀυτην` κεχυμένος.

Circumdare vel circumradere capillum id vocat Tertullian. l. de cultu femin. Propriasque praestigias formae et hic sexus sibi agnoscit, barbam acrius caedere, intervellere, circumradere, capillum disponere, etiam colorare caniciem. Accuratius idem hoc tonsurae genus describit, l. de Pallio, c. 4. Unde --- iuxta cutem tonsor, et cultri vertex solum immunis; Nempe, verba sunt Salmas. ad h. l. hôc tondendi modo vertex intonsus et cultri immunis manebat, sub vertice omnia circumtonsa strictim et iuxta cutem. Quae capillatura, ad instar coronae, in orbem hôc modô attonsa ςτεφάνη, item περίδρομος, ipsum vero hoc tonsurae genus περιτρόχαλα dicebatur. Atque hôc habitu comarum ingenui et palaestrici adolescentes ac iuvenes in Comoedia introducebantur, cum milites caesariati essent, ut ex Milite glorioso Plauti colligere est. Iidem οκαφιόκουροι dicebantur, quod, quâ parte tondebantur, iuxta cutem rasi essent: οκαφίον enim et περιτρόχαλον genus tonsurae idem: quod cum ex palaestra et a Graecis ad Carthaginenses transiisset, hinc Tertulliano invectivae occasio. Aliter radebantur Philosophi, Stoici praesertim, qui totum caput, atque etiam verticem derasum habebant, hinc εν χρῷκουρίαι dicti: quod utrumque tonsurae genus aperte Eustathius distinguit, Κείρονται δὲ καὶ μέχρι νυν̑ οἱ πεὸ εν χρῷ καθὰ καὶ Α᾿λανοὶ, οἱ δὲ οκαφίον etc. Xysticas munditias paulo post lTertullianus vocat illud circumtondendi artificium, quô cum uterentur ephebi Graeci qui xysto et palaestrae operam dabant, uti dictum. Aristodemus Cumanorum Tyrannus, qui pueros puellarum habitu et muliebribus comis comtos, incedere volebat; puellas epheborum in morem circumtonsas atque ephebicis chlamydibus amictas iussit ire, apud Plutarchum de Mulierum Virtutibus. Vide quoque infra Franci, Palaestrici iuvenes.